Atakans mès-èfants

Ritchèle è-st-on nozé pitit viyèdje di Bèljike, ine tote pitite pårt dèl comeune di Vîzé. Il èst pièrdou inte Lîdje, la qui lès djins ont lès dj'vès fwért près dèl tièsse, èt Måstrék, amon lès magneûs d' froumadje. A pus d' cint mètes hôt, Ritchèle louke Moûse qui coûrt londjinn'mint, inte lès deûs grantès vèyes, sins prinde astème å p'tit viyèdje.

 

… Èt portant, lu qui k'mande li corante êwe, i fêt tot çou qu' i pout po s' aler fé gåter, divins sès brès'. Deûs' treûs mohones s' ont tot l' minme lèyî adîre… Mins s' ni pôrè-t-i måy rac'sûre li mér qu' èst bin trop lon…