Po tot savu so l’ viyèdje

Mins Ritchèle, wice èst-ce ?

Ritchèle è-st-on p'tit nozé viyèdje di Beljike, ine tote pitite pårt dèl vèye di Visé. Il èst pièrdou inte Lîdje, la qu' lès djins ont lès djvès fwért près dèl tièsse, èt Måstrék, amon lès magneûs d' froumadje. Di sès pus d' cint mètes di hôteur, on veût Moûse qui coûrt londjin'mint èt qui ralôye lès deûs grandès vèyes sins prinde astème å p'tit viyèdje. 

 
Èt pôrtant, lu, qui k'mande li corante êwe, fêt tot çou qu'i pout po s'aler rapoûler d'vins sès brès'; quéquès mohones parvinèt minme a s' î rassåver... mins i n’ pôrè måy rac'sûre li mér qu' èst bin trop lon por lu.